Këngëtarja e njohur, Big Mama, është pjesë e jurisë së rubrikës më të re në “E Diell”, “Vajzat me kordele”.
Gjatë kësaj rubrike, ajo është prekur teksa dëgjoi historinë e njërës prej konkurrenteve. Ajo tregoi se është shumë keq kur nuk e ke babanë, prandaj theksoi se duhet të lumturohet kur e di që janë pranë.
Nga ana tjetër, theksoi se njerëzit ndahen në të mirë e të këqij, ndaj i sugjeroi që të ndjekë ëndrrën.
“Edhe unë kam qenë një vajzë shumë e lidhur me babin. Kur nuk e ke babanë, është shumë më keq. Alesia tha se je këmbëngulëse, e fortë, nuk ka njeri që të shkel, ashtu dukem edhe unë por në brendi jemi të gjithë me halle dhe ndryshe. Për mua nuk ka as nacionalitet, as fe, as ngjyrë por dy lloje të njerëzve, të mirë e të këqij. Për mua mundohu të bëhesh njeri i mirë dhe ndiqe ëndrrën tënde se ke shumë ambicie”, u shpreh Big Mama.
