Një djalë i lindur me një gjendje të rrallë të trurit, pasi ka kafkën të deformuar, që i duket si “brirë i djallit”, i është nënshtruar një operacioni për të zvogëluar presionin në trurin e tij.
Clyne Solano, 22 muajsh, lindi me një gjendje të quajtur hidranencefalia, që do të thoshte se ai kishte një tru të vogël dhe lëngje brenda kokës së tij.
Clyne, nga Filipinet, iu nënshtrua një operacioni në mars të këtij viti për të lehtësuar presionin mbi trurin e tij.
Por pjesët e kafkës u shembën aty ku truri nuk ishte formuar, duke lënë kreshta në kokë.
Clyne tani do të ketë nevojë për një operacion rindërtues për të rivendosur formën e kafkës. Nëna e tij është e shqetësuar pasi djali është tepër i dobët për t’iu nënshtruar një operacioni tjetër.
“Kjo është arsyeja pse unë e kam të vështirë marrjen e një vendimi. Nëse ne nuk e bëjmë atë, koka e tij duket si kjo për pjesën tjetër të jetës. Disa njerëz thonë se koka e tij i ngjan brirëve të djallit, por për ne nuk ka dyshim se ai është një engjëll. Më thyhet zemra duke e parë atë që vuan”.
Clyne po trajtohet në Qendrën Mjekësore të Fëmijëve në Pasig, një qytet në lagjen metropolitane të Manilës, shtëpi për 12.9 milion njerëz.
Ai duhet të ushqehet përmes një tubi si dhe një tub tjetër për të marrë frymë.
Hydranencephaly është një gjendje jashtëzakonisht e rrallë e cila fillon para lindjes dhe parandalon zhvillimin e plotë të trurit të një foshnjeje, duke u dhënë atyre gjithashtu një kokë të zgjeruar.
