Pak orë më parë Kylie Jenner ka publikuar në rrjetet sociale pamje nga pema e Krishtlindjeve. Ajo ka zgjedhur një dekor të veçantë, larg ngjyrës jeshile që jemi mësuar të shohim. Kylie ka zgjedhur që në këto festa të mbizotërojë ari.
Pema me ngjyrë të artë është e mbuluar me zbukurime në formë rrethore dhe dritat me të njëjtën nuancë, ndërsa poshtë saj qëndrojnë dhuratat për Travis Scott dhe vajzën e tyre Stormi.
Kjo pemë gjigande duket sikur është e vendosur në qendrën e ndonjë qyteti të madh, por në fakt ndodhet në korridorin e shtëpisë së 21-vjeçares. Nuk kishte si të ishte ndryshe. Edhe këtë herë Kylie nuk na ka zhgënjyer.
