Lamborghini-t e bardhë “pushtojnë” rrugët e Tiranës, “bishat” luksoze kthejnë kokat e vajzave

Që Tirana është “pushtuar” nga makinat e luksit, kjo pasqyrohet çdo të premte në “Car Tunning” javor.
Shfaqja e përbindëshave disa milionësh u organizua tek “Pallati i sportit Asllan Rusi”.

Me disa super bisha luksoze që bëjnë të kthehen kokat në rrugët e kryeqytetit, këtë radhë në qendër të vëmendjes ishin “Lamborghini-t”.

Event i organizuar nga “Rich Kids Tirana”, “Luxury In Tirana” dhe “HorsePower Albanian” faqe të njohura në Instagram për reklamimin e automjeteve luksoze të pasanikëve të rinj të kryeqytetit.

Spektakli i dritave me automjetet e të pasurve të kryeqytetit është bërë një “hit” tashmë dhe është kthyer në një atraksion për të apasionuarit pas motorëve me shumë kuaj fuqi.