Një foto e Ledri Vulës me Rita Orën e postuar nga reperi në llogarinë e tij në Instagram, bëhet shkak që fansat të “shpërthejnë” në komente duke bërë pjesë edhe nënën e këngëtares.
Pak ditë më parë në Zvicër është mbajtur “AlbaFestival” ku kanë marrë pjesë këngëtarët më të mirë shqiptarë. E ftuar ne “AlbaFestival” për të performuar ishte dhe këngëtarja shqiptare me famë botërore, Rita Ora.
Këngëtarja u vu re që gjatë festivalit ishte shumë e afërt me Ledri Vulën. Reperi ka postuar dhe një foto të shoqëruar me një emoji zemër dhe aq është dashur që fansat të shpërthëjnë në komente.
Përveç komenteve ku i përgëzojnë , të shumtë kanë qenë komentuesit që kanë kërkuar që dyshja të bëhen çift.
Këto komente kanë bërë që të përfshihet edhe e ëma e këngëtares, e cila shkruan: “Nëna i mban çikat për vete”.
Risjellim në vëmendje që kohë më parë dy këngëtarët u dyshuan për një lidhje pas afrimitetit të tepërt që pati midis tyre.