Në një intervistë të dhënë ditën e djeshme për revistën e huaj ‘Onn Netëork’, Luana Vjollca tregoi se momentalisht vëmendjen kryesore ja ka përkushtuar muzikës. Shumë shpejt pritet të dalin në treg edhe dy këngët që janë në bashkëpunim dhe sipas saj këto do të kthehen në hite verore.
Pas përfundimit të ‘Shiko kush luan’ u përfol se ajo nuk do të ishte më pjesë e ekranit si prezantuese, por ditën e sotme nëpërmjet një komunikimi nga moderatorët e ‘Pop Culture’, Luana ka zbuluar planet e afërta. Moderatorja ka treguar se në shtator do të ketë surpriza të reja që do t’i sjellë në ekranin e ‘Top Channel’. Me siguri projekti i ri do e sjellë Luanën shumë pranë publikut të cilit i ka munguar prej disa muajsh.
