Ndërsa historia e 15-vjeçares së abuzuar ka tronditur mbarë opinionin dhe ndërsa medias i bëhet thirrje që të mos keqpërdorë historinë e saj për klikime dhe lexues, moderatorja Arbana Osmani njoftoi se një vajzë me të cilën është abuzuar kur ishte e mitur do të rrëfehet në emisionin e saj.
“Të shtunën, më 6 qershor tek “Dua të të bëj të lumtur” një vajzë rrëfen për herë të parë në një studio televizive se si është abuzuar që në moshë 12-vjeçare nga roja i jetimores së Shkodrës dhe pasi e ka denoncuar në polici, ky i fundit ka abuzuar me të”, shkruhej në postimin e moderatores.
Ky postim nxiti mjaft reagime në rrjetet sociale, të cilët e argumentuan këtë vendim si një rast shfrytëzimi për më shumë shikueshmëri, për më shumë sponsorëve dhe si një abuzim të dytë që i bëhet të lënduarave.
Ja disa nga komentet:
Pas reagimeve të shumta, moderatorja vendosi të reagonte me një Insta Story, ku shkruan se vajza në fjalë sot është 27 vjeçe, dhe jo 12 siç u kuptua.
Ndërsa më tej shkruan se do të dalë me zë e figurë pasi kjo ishte zgjedhja e saj.