Moderatorja Luana Vjollca ka bërë një postim shumë personal në rrjete sociale, duke iu treguar të gjithëve se jo gjithmonë ajo që shohim në Instagram është e vërteta.
Fillimisht Luana ka ndarë një foto ku shfaqet në super formë dhe e buzëqeshur, ndërsa në një tjetër shihet me sy të skuqur e të fryrë nga lotët. Moderatorja ka shkruar se ne nuk e dimë kurrë çfarë fshihet pas një buzëqeshjeje, prandaj duhet të jemi të sjellshëm.
“Çfarë jemi në Instagram dhe çfarë jemi në të vërtetë…ne kurrë nuk e dimë çfarë fshihet pas një buzëqeshje. Ji i sjellshëm! Duaje veten. Çohu, zbukurohu, jeto, lufto e ndiqi ëndrrat e tua, je më i/e fortë seç mendon”, ka shkruar Luana.
