Pak ditë më parë u përhap një lajm ku thuhej se Flori dhe Arilena Ara do të sjellin një bashkëpunim të dytë muzikor.
Aludimet nisën pas publikimit të fotove të njëjta të tyre.
E para ishte Arilena që postoi foto bardh e zi në një studio e pas disa ditësh edhe Flori postoi fotografi pothuajse të njëjtë si të këngëtares.
Epo zërat paskan qenë të vërtetë dhe këtë sapo e konfirmoi miku i tyre i përbashkët, Klajdi Haruni.
Ai ka publikuar një foto në Instastory, ku tregon titullin e këngës “Doja” dhe ka bërë tag dy artistët.
Kënga pritet të publikohet sot në Youtube dhe vjen vetëm pak ditë pas këngës “Thjesht të du” të Flori Mumajesit.
