Dhe pse ‘armiq’ të përbetuar, marrëdhënia mes Luizit dhe Oltës në shtëpinë e “Big Brother VIP” ka ndryshuar shumë gjatë kohëve të fundit.
Mëngjesin sotëm, Luizi e ka vënë re se aktorja nuk ndihej mirë dhe i është afruar për ta pyetur se çfarë e shqetëson, ndërsa Olta i ka kërkuar të shkojnë të flasin në lavanderi. Të dy folën gjatë me njëri-tjetrin dhe në fund aktorja e ka përqafuar këngëtarin.
Pjesë nga biseda:
Olta: Jam lënduar shumë nga fjalët që ke thënë ti mbrëmë edhe në prime edhe në dhomën e rrëfimit.
Luizi: Dëgjo unë nuk është se nuk e besoj se ti nuk je kujdesur sinqerisht për mua, por mënyra sesi e ktheve lojën duke u munduar të sulmosh Kiarën, kjo nuk më pëlqeu. Kur unë jam në atë gjendje nuk kam nevojë për asnjeri.
Olta: Po unë jam lënduar vërtet shumë. Nëse kjo do kishte ndodhur në fillim, nuk do isha mërzitur fare, portali jam e ngarkuar dhe jam më vulnerabël.
Luizi: Nëse t’i je lënduar për ato që unë thashë, për herë të parë në këtë lojë po të kërkoj falje nëse të kam lënduar dje, por kuptoje që du me lujt. Du t’i shkoj kësaj loje deri në fund dhe po luftoj me mish e me shpirt. Me Oltën jashtë unë nuk kam asgjë. E di se çfarë do të thotë të jesh larg familjes, larg djalit. Mos mendo se unë kënaqem se qan ti. Unë do të them prapë shko qaj në tualet, por nuk kam ndonjë kënaqësi. Jo për ty, por për asnjë. Edhe sikur Qetsori të qajë unë nuk ndihem mirë. Prandaj doja të mbyllej sa më shpejt ajo temë dje, se nuk ndihesha mirë me situatën që u krijua. Nuk është se jam krenar për gjërat që kam bërë, por du me lujt. Kam gabuar dhe do gaboj prapë, por dua të shkoj deri në finale.
Olta: Edhe unë dua të shkoj në finale me ty, me më të fortët, por mos më lëndo kështu. Unë kam nevojë për ty për të luajtur.
Luizi: Në rregull pra nëse je lënduar të kërkoj falje. Se më bërë të ta them 10 herë tani.
Olta: Dëgjo Luizi, ne jemi kundërshtarë, do luajmë fort, do zihemi prapë, por unë ty të kam shumë xhan. Hajde të të përqafoj njëçikë tani.
