Përpara disa muajsh këngëtari i njohur Elgit Doda dhe moderatorja Klea Huta bënë zyrtare lidhjen e tyre duke konfirmuar kështu të gjitha lajmet që qarkullonin mbi ata.
Ata janë shumë të rezervar për lidhjen e tyre dhe të pakta janë fotot dhe momentet që ndajnë me fansat. Çifti së fundmi kanë filluar të bashkëpunojnë dhe në muzikë pasi kënga më e fundit e Kleas është prodhuar nga Elgiti.
Mirëpo mesa duket lidhja e tyre është bërë tashmë familjare, pasi Klea ua ka prezantuar të dashurinë edhe prindërve të saj.
Në një intervistë të fundit për ‘Thumb’ moderatorja e njohur është pyetur nga gazetari mbi mendimin që prindërit e saj kanë për Elgitin dhe Klea ka treguar se ata e kanë pritur mjaft mirë.
“Ka qenë mendim i mirë shumë pozitiv dhe çka është më e rëndësishmja, në qoftë se ti je e lumtur të lumtur jemi dhe ne”, i kanë thënë prindërit Kleas, duke e mirëpritur në këtë mënyrë Elgitin në familjen e tyre.
