Këngëtari i hitit “Youth” Shawn Mendes është kthyer shumë shpejt në një ndër këngëtarët më të pëlqyer në të gjithë botë. Ndonëse i ri në moshë ka arritur një sukses të madh dhe këngët e tij janë kthyer në super hite.
Shawn është një ndër djemtë më të pëlqyer nga gjinia femërore dhe pamja e tij me fytyrën e pastër dhe tiparet e theksuara e kanë bërë atë të cilësohet shpesh si një ndër meshkujt simpatik në Hollywood.
Megjithatë, ai i ka shokuar të gjithë fansat kur ka pranuar publikisht se nuk e ka larë asnjëherë fytyrën e tij.Teksa u pyet se çfarë rutine ndjek për lëkurën ai tha: “Nuk gënjej kur ju them se unë nuk e laj fytyrën time. Unë meditoj shumë dhe mendoj se lëkura juaj ndikohet shumë nga mënyra se si ndiheni. Ti mund ta pastrosh fytyrën, por nëse ndiheni të lumtur, nuk do të keni asnjë problem me të edhe nëse se lani”, ka thënë këngëtari teksa të gjithë kanë mbetur pa fjalë.
