Dukesha e Sussex, Meghan Markle, është në ditët e fundit të pritjes së ëmbël dhe burime pranë familjes mbretërore kanë treguar për mediat e huaja se foshnja e saj dhe princ Harryt është djalë.
Teksa i afrohet dita për të sjellë në jetë fëmijën e parë, Meghan ka marrë vendimin për t’u larguar nga çdo dalje publike dhe i ka dhënë fund të gjitha vizitave zyrtare.
Ajo tashmë ka marrë lejen e lindjes dhe do të qëndrojë larg syrit të mediave. Siç është thënë edhe më parë, dukesha pritet të lindë në muajin Prill.
