Këto ditë të pazakonta izolimi që po kalojmë si pasojë e situatës me Koronavirusin, padyshim që më të vështirë për t´i kuptuar si duhet e kanë fëmijët. Ndoshta për ata, koha qe kalojnë në shtëpi me prindërit mund të jetë shumë pozitive, megjithatë duhet gjetur mënyra e duhur për t´i shpjeguar pse nuk mund të shkojnë në shkollë apo të luajnë me fëmijët e tjerë. E natyrisht që duhen gjetur mënyra dhe se si mund të argëtohen gjatë qëndrimit në shtëpi.
Në nga këto mënyra na e tregon Salsano Rrapi dhe bashkëshortja e tij, aktorja Erjona Kakeli, të cilët në kushtet e karantinës kanë ndërtuar Teatrin e Kukullave “Home”. Po është fiks ashtu siç duket, një teatër kukullash në shtëpi, ku performuesit sigurisht janë Salsano dhe Erjona dhe ku luhen e kërcehen këngët e preferuara të vajzave të tyre.
Madje aq mirë i organizuar është ky teatër i improvizuar, sa ka dhe një biletari, skenë e gjithçka tjetër.
Pra ja ku e keni një opsion për atë që mund të organizoni gjatë izolimit, ju duhet vetëm të gjeni aktorin brenda vetes. /News31.al
