Disa ditë më parë Rita Ora trazoi rrjetin me thashethemet se është në një pritje të ëmbël disa javë pasi konfirmoi martesën e saj sekrete me regjisorin Taika Waititi.
Teksa ndau për ndjekësit një foto-album në rrjetet sociale, ajo shkroi krahas postimit: “Dump a bump bump”. (Fjala ‘dump’ përdoret kur publikon disa foto të rastësishme ndërsa ‘bump’ kur tregon barkun e rrumbullakosur).
Kaq mjaftoi që fansat të shpërthejnë në komente dhe hamendësime se këngëtarja është shtatzënë.
Rita nuk ka bërë asnjë reagim ndaj këtyre thashethemeve por duket se e dha përgjigjen nëpërmjet daljes së fundit.
Artistja është fotografuar në rrugët e Los Angeles e veshur me një bluzë crop-top që nxirrte në pah barkun e saj të sheshtë dhe tonifikuar. Në mënyrë indirekte, Rita i ka hedhur poshtë fjalët se është në një pritje të ëmbël.