Moderatorja e njohur, Floriana Garo, në muajin qershor dha lajmin e bukur se është në pritje të fëmijës së dytë. Ajo është tashmë nënë e një vajze dhe vetëm një vit pas lindjes së vogëlushes është sërish shtatzënë.
Floriana është treguar mjaft e rezervuar dhe fotot me barkun e rrumbullakosur kanë qenë të pakta. Moderatorja e njohur është 6 muajshe shtatzënë dhe ditën e sotme ka vendosur të zbulojë për të gjithë ndjekësit e saj gjininë e fëmijës që pret.
Floriana ka publikuar një foto ku shihet me barkun e rrumbullakosur dhe në përshkrim të fotos ka treguar se po pret një djalë. “Në pritje të një djali. 6 muajshe shtatzënë”, ka shkruar moderatorja në foton që mori vëmendjen e të gjithëve.