Jemi mësuar tashmë që kryesisht në internet të shohim nëna të cilat vendosin të sjellin në jetë të vegjlit e tyre përmes “lindjes në ujë”. Në pjesën më të madhe të rasteve kjo lloj lindjeje kryhet nën asistimin e një ekipi mjekësor të specializuar. Ama një grua nga rusia sapo ka kryer diçka të pazakontë, duke sjellë në jetë fëmijën e saj në mes të detit.
Nëna, emri i së cilës nuk është bërë i ditur, kishte ndërmarrë një udhëtim turistik vetëm për të lindur famijën e saj në Detin e Kuq në Egjipt.
Sipas burimeve aty ndodhej edhe një doktor i specializuar për lindjet në ujë, gjë që shpjegon se kjo mënyrë e sjelljes në jetë të fëmijës nuk ishte aspak rastësore. Një vajzë e pranishme aty ka fotografuar momentin kur nëna del nga uji menjëherë pas lindjes, ndërkohë që foshnja akoma vazhdonte të ishte i lidhur me placentën me anë të kordonit umbelikal. Këto foto kanë bërë xhiro në rrjetet sociale dhe kometues të shumtë e kanë cilësuar këtë lindje në ujë si diçka mahnitëse.