Rasti i fundit i Kejvina Kthjellës, e cila u mor në pyetje në polici për 10 orë, për lidhjet e saj me Redjan Rrajan, risjell edhe njëherë në publik, fenomenin e lidhjes së vajzave të njohura të shou bizz në Shqipëri, me kriminelë dhe të “fortë”.
Janë këta të fundit, ata që financojnë jetën e tyre luksoze.
Dhe me këtë rast, ato bëjnë një “sy qorr dhe një vesh shurdh”, madje në disa raste kanë përfunduar edhe të martuara me ta.
Kejvina është e fundit në radhë.
Para saj doli në dritë historia e vajzës më të famshme në Shqipëri, Elvana Gjatës, me Ervin Matën, një personazh i njohur i botës së krimit, të cilin para vrasjes në Bllok, nuk guxonte ta përmendte asnjë gazetar.
Pavarësisht se kush është ai, Elvana thuhet se është gati të martohet me Matën, me të cilin është e fejuar.
Edhe prezantuesja e njohur Viola Spiro, është e lidhur me një të arrestuar për trafik droge, Valentin Selaj.
Ish-missi Trejsi Sejdini është e lidhur me Leonard Duka, i akuzuar për vrasjen e Santiago Malkos.
Ish-missi tjetër, Suada Sherifi, është e martuar dhe ka fëmijë me një tjetër personazh problematik, Eldi Dizdari.
Për të shkuar pastaj tek rasti i Inis Gjonit, që ia vranë të dashurin para shtëpisë.
Lista është e gjatë dhe duket se tashmë është kthyer në një normalitet!(TemA)
