Meqë po jetojmë në kohë ku më shumë se gjithçka tjetër ka rëndësi higjena, pasi të keni larë duart, duhet të ktheni sytë nga kuzhina.
Ka shumë gjëra që presin të flaken sepse brenda tyre janë grumbulluar shumë, po shumë baktere! Cilat janë ato, i gjeni më poshtë!
#1. Kutitë me erëza!
Duket sikur erëzat mund të jetojnë përgjithmonë dhe të kenë të njëtën shije, por jo. Me kalimin e kohës shija nuk është më e njëjta dhe mund ta dalloni sapo ta hapni. Nëse aroma nuk është më e njëjta është koha ta flakni.
#2.Shishet e përdorura të vajit
Edhe pse përdorimi për shumë muaj i vajit nuk përbën asnjë problem, shishja e përdorur për shumë kohë, po. Koha ideale për të zëvendësuar shishet është një herë në tre muaj.
#3. Kanat me ujë
Merrni parasysh gjithë pluhurat që mund të bien gjatë ditës. Veç faktit që uji duhet konsumuar shpejt, kanat janë një tjetër send i kuzhinës që duhen ndërruar herë pas here.
#4. Sodë buke
Që nga momenti që e hapni për herë të parë, cilësia e saj fillon e bie. Soda e bukës mund të rezistojë nga 6 muaj deri në një vit, kështu që zëvendësimi i saj here pas here është i këshillueshëm që gatimet të dalin si doni ju.
#5. Sfungjerët e enëve
Sfungjeri është vatër bakteresh! Shumica e njerëzve e ndërrojnë vetëm nëse ndjejnë aroma të pakëndshme, por jo. Sfungjeri duhet ndërruar minimalisht njëherë në javë.
#6. Shishet e verës
Menjëherë sapo i hapni shishet e verës është e rëndësishme t’i fusni në frigorifer për të ngadalësuar oksidimin e tyre. Shumica e shisheve të verës zgjasin vetëm disa ditë pas hapjes, prandaj është i rëndësishëm konsumi i shpejtë i tyre ose hedhja e shisheve.
