Mesiguri që disa foto do të të sjellin shumë kujtime, nëse je fëmijë i viteve ’90-2000. Nuk kishte Iphone dhe gjithë vëmendja përqëndrohej tek lojrat modeste elektronike, që vështirë të përfytyrohen nga fëmijët e sotëm. Ndryshe nga tani, për të ndjekur televizionin duhej patjetër një televizor. Dhomat e adoleshentëve mbusheshin me postera ku shfaqej Avril Lavigne, Selena Gomez, Jonas Brothers, Demi Lovato etj, të cilat priteshin nga revistat që kalonin dorë më dorë. Ah po, të mos harrojmë kartolinat me imazhin e Zhades tek telenovela “Kloni” apo Shakirës.
Në vijim do të shfaqim disa foto, që demostrojnë më së miri ç’do të thotë të jesh fëmijë i këtyre viteve. E nisim me kohën kur ishim të paaftë të zgjidhnim aksesorët për flokët, dhe e bënte mami këtë punë.
Vazhdojmë me mama-style dhe çorapet e bardha me tantellë, të pranishme ditën e parë të kopshtit/shkollës.
Ok, kjo foto nuk ka vend për koment.
Po kasetat për DVD-në dhe CD-të i mban mend njeri?
Nëse perfeksioni do ishte lodër, ja ku është. Kjo ishte gjithçka donin shumica e vajzave në atë kohë (mund të ishte set kuzhine, set mjekësh ose çantë makeup-i)
Mesiguri edhe tasot (pse quheshin kështu e di njeri?!) e patatinat i kujtoni.
Ose këtë stilolapsin që e kishin zili të gjithë në fillore.
Bibidi-Bobidi-Buu dhe kjo loja caktonte fatin tënd në jetë (mësues, doktor, inxhinier, gazetar etj)
Dakord, u bë goja lëngë njëlloj si atëhere.
Pastaj u rritëm dhe kaluam tek lojrat në kompjuter. Ishte privilegj të kishe një të tillë, i cili zinte goxha hapësirë në dhomë. Na duheshin orë të tëra për të shkarkuar diçka dhe, kur nuk kishte internet, shprehnim talentin tek Paint-i.
E vizatonim në bangë, mure e kudo, por realisht askush nuk ia di kuptimin.
Dhe për ta mbyllur me kaq, edhe pse fotot janë pafund, të rinjtë e sotëm nuk do e kuptojnë kurrë çfarë sfide ishte kjo gjëja.
Sido që të duken këto sende në ditët e sotme, një gjë është e sigurt – atëherë ishin të pazëvendësueshme.
Copyright Anabel.al
