Çifti i njohur i showbizit shqiptar, Sara Hoxha dhe Ledion Liço, do të kurorëzojnë me martesë dashurinë e tyre më 11 gusht, në një ceremoni madhështore në Como të Italisë.
Së fundmi, Sara ka nisur festën e beqarisë në ishullin Mikonos të Greqisë, ku ka shkuar së bashku me mikeshat dhe motrën e saj, Lorin. Vajzat kanë publikuar foto e video të ndryshme ku shfaqen duke festuar e duke u argëtuar pa masë me njëra-tjetrën, mirëpo një detaj në foton e Sarës ka tërhequr vëmendjen e të gjithëve.
Teksa ka pozuar me mikeshën e saj, mes këmbëve të Sarës ndjekësit kanë dalluar një pirun të varur, për të cilin kanë reaguar menjëherë në komente.
“Unë, ti dhe piruni.”, “Shumë bukur, po ai piruni ç’do aty?”, “Bukur të dyja, por piruni ju paska prishur foton.”- janë komentet e ndjekësve në postim.
