Reperi shumë i dashur dhe i njohur për publikun, Ledri Vula, është një ndër reperat më të njohur shqiptar i cili ndër vite ka sjell një sërë hitesh. Ai është këngëtari më i kërkuar në klubet brenda dhe jashtë Shqipërisë dhe po ashtu është një ndër më të paguarit.
Megjithatë i ftuar së fundmi në emisionin ‘NIN’, Ledri ka lënë të kuptohet se për të fama dhe lekët nuk kanë rëndësi dhe nuk ka ngurruar të thumbojë artistët dhe reperat e rinj të cilës sipas tij bëjnë këngë vetëm për lekë.
“Kur e ke gjënë e parë në kokë famën edhe lekët, produktin ke me e bo gabim”, dëgjohet të thotë Ledri në promon e emisionit duke mos treguar se me kë nga reperat e ka.