Hatërmbetjet midis tyre datojnë pesë vite më parë, nga kur ato kishin bllokuar njëri-tjetrin në rrjetet sociale dhe nuk flisnin.
Bëhet fjalë për Kastro Zizon dhe Rozana Radin të cilët së fundmi kanë vendosur t’i lejnë mëritë me një anë duke u shfaqur në një video së bashku. Ky moment është regjistrurar nga vetë këngëtarja e cila e ka ndarë në Instastoryn e saj.
Pjesë nga biseda e tyre:
Rozana: Të kam bllokuar, por nuk të zhbllokoj dot.
Kastro: Më hiq bllokun moj. Rozana Radi më hiq bllokun.
Rozana: Se çfarë dolën disa lajme kam lënë drogën. E ke lënë?
Kastro: Kam tre vjet që drogohem nga ndjenjat e njerëzve.
Rozana: Ne s’kemi folur me Kastron, sa vite u bënë?
Kastro: 5 vjet e pak.
Kujtojmë që sherri midis artistave është zhilluar gjatë “Këngës Magjike” në vitin 2016. Këtë vit që përkonte me edicionin e 18-të të këij eventi, Rozana Radi u shpall fituese me këngën “Ma thuaj ti”.
Në mes të shumë artistëve që kritikuan mënyrën e votimit ishte edhe këngëtari Klevis Bega, i njohur me emrin e artit Kastro Zizo që ‘i hodhi benzinë zjarrit’.
“Ku bëja dallavere te “Kënga Magjike”! Shyqyr kisha dajën që s’më linte të abuzoja me pikët…”, shkruante Kastro asokohe në Instagram.
