Atëherë kur mendohej se Loredana dhe Mozzik kishin një marrëdhënie të mirë pas ndarjes, mes tyre ka plasur sherri. Dje Mozzik reagoi ashpër kur Loredana e ftuar në emisionin “NIN” u shpreh se ata nuk kanë patur arsye për t’u ndarë, por kanë qenë të dy shumë të stresuar.
Mozzik u shpreh se Loredana gënjen dhe se po përdor vajzën e tyre për t’u viktimizuar. Sipas tij fajin për ndarjen e ka Loredana.
“Ti je ‘nënë’ e një nëne nuk i ka hije të gënjejë sepse është ligësi. Atë engjëllin e vogël mos e përdor për t’u viktimizuar. Tre vite gati isha për ty si në të mirë e në të keq. Dhe do të isha ende, po të mos e bëje bërllog ti”, shkruante Mozzik ndër të tjera.
Sot Loredana ia ktheu përgjigjen Mozzikut duke postuar një fjalim të Oprah Winfrey e cila fliste për njerëzit që nuk i gëzohen sukseseve të të tjerëve.
Pas këtij postimi Mozzik reagoi duke publikuar një foto nga dushi e duke thumbuar Loredanën. “E dashur nuk u përgjigja dot se po bëja një dush”, shkruan reperi duke treguar se nuk i intereson më ç’thotë ish-partnerja.
