Javën e kaluar, në emisionin e së shtunës “Shiko Kush Luan” me Luana Vjollcën, ishte i ftuar këngëtari i njohur Young Zerka.
Gjatë lojrave, atij iu kërkua të qëllonte mbi foton e një personazhi që nuk e meriton famën, ndaj Zerka qëlloi mbi foton e Samanta Karavellës.
“O Koçi nuk të shkojnë armët ty. Karaoket i bëje më mirë dikur në koncertet e mia. Eh pra, pas një buri (pa rr) të suksesshëm fshihet një grua si e jotja”- shkruante Samanta.
Mirëpo, këngëtares duket se nuk i ka dalë inati me kaq!
Këtë të shtunë, e ftuar në “Shiko Kush Luan”, ajo ia ktheu borxhin Zerkës, duke përmendur emrin e tij në lojë.
E pyetur se me cilin këngëtar s’do të bënte kurrë bashkëpunim dhe s’do të donte t’i dilte para, ajo nuk i kurseu emrat e Ronelës dhe Zerkës.
“Më qëlloi pa arsye herën e kaluar”- tha ajo për këngëtarin.
