Aurela Gaçe, ose ndryshe si diva e muzikës shqiptare, njihet për karakterin e saj dhe performancat energjike. Aurela publikon shpeshherë foto në ‘Instagram’ ku tregon se energjia e saj nuk është vetëm në skenë, por edhe në jetën e përditshme. Aktiviteti fizik është shumë i rëndësishëm për të dhe kur nuk mundet të shkojë në palestër, ajo gjen mënyra alternative, si përshembull në shkallët e pallatit. Këtë e ka zbuluar vetë këngëtarja nëpërmjet një video në ‘Instastory’, ku duket duke bërë ushtrime dhe shkruan: “30 minuta këtu dhe 30 minuta në shtëpi, nuk ka nevojë për asgjë më shumë. Ushtrime ka plot, pa qenë e nevojshme të jesh në palestër”. “Nuk ka vend për ‘justifikime’. Jo ke lekë dhe shkon në palestër, jo nuk kemi kohë, jo kam fëmijët.. etj. Fëmijët edhe flenë dhe nëse ju shohin duke u kujdesur për shëndetin, do ta bëjnë dhe ato nesër”, vazhdon këngëtarja, duke dhënë kështu një mesazh të rëndësishëm për të gjithë ndjekësit e saj. Kujtojmë se falë kujdesit të saj, Aurela erdhi shpejt në formë pas shtatzënisë së fundit.
