Don Xhoni dhe Ariana Lirey deklaruan ndarjen pak kohë më parë dhe ishte vetë modelja ruse që shkroi disa statuse që reperi nuk i priti mirë. Edhe pse nuk u nda dhe aq mirë nga Don Xhoni, Ariana nuk ka hequr dorë nga Shqipëria dhe së shpejti do vizitojë vendin tonë.
Ajo i është përgjigjur pyetjeve të ndjekësve dhe ka folur edhe për Don Xhonin.
“Ai është Xhonatani jo Doni. Nuk mund të them asgjë të keqe për një mashkull me të cilin kam qenë në lidhje gati një vit. Ai është djalë i mirë, ai është artist. Është ende i ri dhe ka të gjithë jetën përpara. Do të gëzohem nëse do të ketë gjithçka në mënyrën që ka dashur. Rrugët tona u ndanë muaj më parë, dua të vazhdoj jetën. Nuk kemi pse të jemi të lidhur më”, tha Ariana.
“A beson në dashuri? Do të doje të martoheshe?”, e pyet një ndjekës.
“Egziston dashuria 100%. Kam dashuruar dhe është një ndjenjë e mrekullueshme. Por unë jamë bërë për këtë. Kam humbur aftësinë për të dashuruar dikë. Nuk kam nevojë për një bashkëshort, nuk kam nevojë për një lidhje. Plani im i vetëm është të kem një fëmijë”, shkruan modelja.
“Po mësoj shqip dhe kam në plan ta vizitoj Shqipërinë në të ardhmen. Tiranën, Krujën dhe Kosovën”, zbuloi ajo.
