Një pensioniste në Kazakistan ka humbur jetën pasi u godit nga një copë akulli që ra nga një ndërtesë.
Kamerat e sigurisë kanë filmuar momentin e frikshëm kur copa e akullit la të vdekur Natalia Shamuzovën.
Në video duket si 60-vjeçarja ra në tokë pa ndenja. Një kalimtar pranë aksidentit pa cfarë ndodhi, por vazhdoi të ecte sikur nuk kishte ndodhur asgjë.
Ndërsa një burrë mbeti tërësisht i shokuar dhe më pas telefonoi urgjencën për ndihmën e shpejtë.
Mediat e huaja kanë njoftuar se familja e pensionistes po përgatitet të denoncojë autoritetet që janë përgjegjëse për heqjen e akullit vdekjeprurës që qëndron i varur në ndërtesa.