Modelja e njohur shqiptare Afërdita Dreshaj përpara disa muajsh bëri publik lajmin që do të martohet në datën 29 qershor me partnerin e saj sportistin çek Jakub, me të cilin ka një lidhje disa vjeçare .
Ajo në një intervistë të dhënë përpara disa kohësh tregoi dhe detajet e dasmës, ku u shpreh se do të jetë një ceremoni madhështore e cila do të zhvillohet në Maimi. Ndërsa ditët po afrojnë modelja e njohur ka treguar nëpërmjet postimeve të saj se ka filluar përgatitjet e dasmës.
Pak orë më parë ajo ka ndarë me ndjekësit dhe fansat një postim në Instastory, ku tregon se ka shkuar për të provuar edhe fustanin e nusërisë. Afërdita gjendet në një dyqan të mbushur me fustane të bardha ku dhe shihet duke u drejtuar drejt njërit prej tyre. Nuk dihet nëse ky do të jetë fustani që Afërdita do të zgjedh, por me siguri në çdo model ajo do të duket mahnitëse.
