Prej dy muajsh moderatorja Elita Rudi dhe reperi Gjiko janë zyrtarisht të martuar. Dasma e tyre madhështore me qindra të ftuar ishte një nga ngjarjet më të bujshme të showbiz-it shqiptar.
Veç fotove fantastike të realizuara gjatë dasmës ata kanë vendosur të ndajnë me publikun këto momente speciale edhe me video.
Më herët Elita kishte publikuar një video të shkurtër shkëputur nga këto momente ku familjarët dhe miqtë e saj dhe të Gjikos tregojnë mbi historinë e tyre të dashurisë. Por tashmë duket se pritjes për të parë këtë video i ka ardhur fundi.
Moderatorja ka treguar se video e dasmës së tyre me emrin “Gjiko AE” do të publikohet në kanalin “Youtube” nesër në orën 16:00.
Ndërkohë Elita dhe Gjiko janë në pritje të fëmijës së tyre të parë.
