Fisnik Syla ka konfirmuar lajmet se është në një lidhje të re pas ndarjes nga Fjolla Morina. Biznesmeni ka publikuar një foto në Snapchat duke drekuar buzë detit me të dashurën e re.
Por Fisniku akoma vazhdon ta mbajë mister identitetin e vajzës, të cilës i duket vetëm dora.
Ndërkohë në portale prej disa javësh qarkullojnë thashetheme se ai ka nisur një lidhje me moderatoren Ester Bylyku. Shkak u bënë disa postime sinkron.
Fisniku postoi pak kohë më parë një video me këngën “Të ka marrë malli” të reperit Stresi. Krah videos ai shkroi: “Tiranase, a të ka marrë malli të më shohësh?”.
Pas këtij postimi, Ester, e cila është nga Tirana, ndau një video me vendndodhjen ‘Belgjikë’, ku qëndron biznesmeni, duke shkruar: “Vij së shpejti tek ti”.
Së fundmi moderatorja realizoi një intervistë virtuale me ndjekësit e saj në Instagram dhe e pyetur nëse është në lidhje ajo e ka pranuar duke publikuar një foto krah partnerit. Esteri është siguruar të tregojë vetëm pak nga ai, por kaq është dashur të përflitet se djali në foto ngjason shumë me Fisnikun. Megjithatë deri tani nuk ka asnjë konfirmim nga asnjëra palë.
