Dyshja më e diskutuar në “Për’puthen”, Mevlani dhe Ledjana kanë thënë puntatën e djeshme se janë deklaruar vetëm për njëri-tjetrin pas 8 muajsh.
“Siç të kam lënë gjithmonë të lirë, kështu do të lë. Siç ta kam dhënë unë ty, kërkoj sinqeritetin tënd , asgjë më tepër nga ty. Unë di të them që aty brenda jam vetëm për ty. Unë nuk shoh asnjë person tjetër aty”, u shpreh Mevlani, teksa e pyeti Ledjanën nëse edhe ajo do të bënte të njëjtën gjë.
Ledjana u rezervua në takim dhe përgjigjen e shumëpritur ja dha para të gjithëve.
“Unë i them që jam vetëm për të në program, dhe nuk më intereson asnjë djalë tjetër”, tha ajo para se të ngrihej nga karrigia dhe t’i dhuronte Mevlanit një puthje në faqe.
Gjatë këtij momenti nuk mungoi as reagimi Antonelës, që hodhi një thumb për Ledjanën.
“Produksioni ju lutem Çmimin Oskar për aktoren e vitit!”, tha Antonela.
Ndërkohë në puntatën e transmetuar ditën e sotme e ftuar në program ishte nëna e Antonelës, e cila pati një përballje me Ledjanën dhe Mevlanin.
Mamaja e konkurrentes i tha Mevlanit se ai nuk ishte për vajzën e saj, gjë që solli një debat mjaft të fortë.
Ndërkohë Antonela u nervozua shumë dhe iu drejtua autores së programit se nëse Ledjana do t’i drejtohej me këtë gjuhë së ëmës, ajo do të largohej nga emisioni.
