Së shpejti pritet të nisë për herë të parë në ekranin e “Top Channel” show televiziv “Take me out Albania”. Nën moderimin e Luana Vjollcës, 30 vajza single do bëhen pjesë e kësaj aventure për të gjetur dashurinë e jetës.
Ky është një mision i ri për Luana Vjollcën pasi do e shohim të moderojë një program ndryshe nga të tjerët mirëpo besojmë se edhe këtu nuk do mungojë humori dhe batutat.
Ditët e fundit Luana ka qënë në përgatitje e sipër për programin, mirëpo një mbledhje shumë e rëndësishme është zhvilluar ditën e sotme në ambientet e “Top Channel”.
Luana na ka zbuluar në Instagram se është takuar me producentin ekzekutiv të medias ndërkombëtare ‘Fremantle’ (që ka edhe patentën e “Take me out”), Andrew Winghtman i cili ka vizituar nga afër studion ku do të bëhet spektakli.
Pas “Shiko Kush Luan”, ku është autore dhe moderatore prej 3 sezonesh, Luana Vjollcës ju besua edhe në këtë program të ri autorësia e plotë.
“Sot , ne mbledhjen me producentin ekzekutiv te medias nderkombetare Fremantle , Andrew Wightman. Faleminderit per besimin ne Autoresine e plote te projektit gjigand televiziv #TakeMeOut , shtepise sime @topchannelalbania dhe medias me te madhe nderkombetare FremantleMedia” – shkruan Luana.
