Ishim në pritje të një letre të bukur nga mami Hueyda El Said sapo kujtuam se sot Gabrieli i vogël mbush 5 vjeç. Hueyda nuk zhgënjen kurrë së dhuruari emocione me gjithçka i dedikon të birit por kjo letër e shkruar në frengjisht, të cilën ne do ua përshtasim në shqip, duket se i ka tejkaluar të gjitha urimet e mëparshme.
Përbri fotove të kaçurrelsit të ëmbël Gabriel, Hueyda shkruan:
“Gabriel, zemra ime, sot është ditëlindja jote.
Ne kemi qenë së bashku për 5 vjet, dy të çmendur të pandashëm që duan të kërcejnë dhe të këndojnë gjithë kohës.
Ardhja jote në jetën time i zgjeroi ditët e mia në dimensionet e një poezie.
Që nga 11 janari 2015 jetoj dy herë: një herë duke shijuar gëzimin e jashtëzakonshëm që ti je pranë meje, një herë tjetër për t’i thënë të gjithëve se sa krenare jam që jam mami jot.
Sapo ke mbushur 5 vjeç dhe që tani më ke kaluar dhjetë mijë herë; për herë të parë në jetën time është kënaqësi të humbasësh dhe të shohësh tjetrin të fitojë, sepse ti je dhe do të jesh gjithmonë kampioni im.
Ti i ke tejkaluar të gjitha pritjet e mia, intelektuale, fizike dhe shpirtërore, deri në atë pikë sa shpesh pyes veten nëse do të jem në gjendje të jetoj deri në ato që do të sjellësh ti.
Faleminderit Gabriel.
Faleminderit që më bëre nënë krenare siç jam, faleminderit që më mësove si të luftoj për ne të dy, faleminderit që më mësove të marr kohën për të shijuar plotësisht të gjitha bukuritë dhe lumturinë tonë të madhe familjare, me super babin tonë, Babi Thierry.
Faleminderit që më ndihmove të kuptoj se suksesi më i madh i një qenie njerëzore nuk është aq shumë për të riprodhuar por për të arritur të rrisë, dhe të ndihmojë përparimin në jetë për atë që duam në pafundësi dhe pa kushte.
Gëzuar ditëlindjen djali im!
Mami jot që të do shumë (në rast se nuk e kuptuar)” – ka përfunduar urimin e saj Hueyda.
Me të drejtë, miqtë e Instagramit janë prekur nga kjo letër ndërkohë që edhe ne si redaksi po i urojmë edhe një herë Gabrielit të gëzojë datëlindjen dhe të jetë gjithnjë i lumtur!
