Redi Jupi tregon "prapaskenat" e lidhjes: Herën e parë që bëra pushime gjeta bashkëshorten - AlpeGossip
Redi Jupi tregon “prapaskenat” e lidhjes: Herën e parë që bëra pushime gjeta bashkëshorten

Redi Jupi tregon “prapaskenat” e lidhjes: Herën e parë që bëra pushime gjeta bashkëshorten

Rreth 10 vite më parë dasma e ish-futbollistit të Kombëtares, Redi Jupi, dhe vajzës së neurokirurgut Mentor Petrela, tërhoqi vëmendjen e të gjitha mediave rozë. Tashmë ata kanë krijuar një familje shumë të lumtur me 3 fëmijët e tyre. Ditën e sotme Redi Jupi dhe Vivian Petrela ishin të ftuar në emisionin ‘Rudina’ dhe treguan për herë të parë se si ka nisur lidhja e tyre e dashurisë.

“Edhe pse me profile të ndryshme ne u takuam bashkë gjatë pushimeve në Dhërmi. Aty jemi njohur kemi shkëmbyer numrat e telefonit dhe shkëndijat e para. Pastaj rrodhën vetë gjërat”, – ka thënë Vivian. Më pas ajo ka treguar se nuk e kishte njohur më parë Redin dhe nuk ja kishte idenë me çfarë merrej ai. Megjithatë ajo e kishte takuar 6 muaj përpara se të njiheshin, sepse ja kishin prezantuar mikeshat e saj.

 

“Në fakt ka qenë shumë interesante, sepse për arsye të impenjimeve të futbollit ishte hera e parë në jetë që bëja pushime në gusht. Hera e parë që bëra pushime dhe gjeta bashkëshorte. Ishin pushime të bekuara. Ishte një periudhë shumë e mirë, sepse unë po shkëputesha nga sporti dhe kisha hezitimin se çfarë do të bëja. Isha në një moment meditimi të thellë dhe kjo gjë më ndihmoi të bëj zgjedhjen e duhur. Në fillim më pëlqeu shumë thjeshtësia e Vivian dhe fakti që nuk më njihte për profesionin që kisha”, – ka rrëfyer Redi Jupi.