Reperi i njohur amerikan është përballur ditët e fundit me një ndodhi aspak të këndshme në jetën e tij. Post Malone i ka shpëtuar mrekullisht një aksidenti ajror. Avioni i tij privat u detyrua të bënte një ulje emergjente, teksa reperi po udhëtonte për në Britaninë e Madhe për të marrë pjesë në festivalin “Reading dhe Leeds”. Sipas burimeve, thuhet se avionit i shpërthyen dy goma por fatmirësisht nuk pati të lënduar. Piloti bëri ulje emergjente në aeroportin ndërkombëtar të “New York Stewart”, në Newburgh.
Por ajo që suprizoi reperin, ishte reagimi i njerëzve pas këtij lajmi. Ai u përball me një histeri nga ndjekësit në rrjetet sociale. Post Malone nuk mund t’a besonte se sa shumë njerëz i uronin vdekjen. Nëpërmjet një postimi në Twitter ai “shpërtheu” në sharje kundrejt atyre që e donin të vdekur.
Administrata Federale e Aviacionit konfirmoi se avioni kishte zbritur në mënyrë të sigurtë dhe se do të vazhdojnë hetimet për incidentin.