Këngëtarja e njohur Era Istrefi prej vitesh tashmë është duke korrur një sukses të madh në tregun ndërkombëtar. Ajo ka publikuar një sërë këngësh dhe bashkëpunimesh të cilat janë kthyer në hite.
Pak ditë më parë, Era publikoi një këngë së bashku me reperin e famshëm rus Eldzhey. Kënga e tyre u kthye shumë shpejt në një hit dhe po dëgjohet nga të gjithë në rusi. Gjithë publiku rus është i fiksuar pas saj dhe bashkëpunimi i Erës dhe Eldzhey është renditur në vend të parë në Top 100 Russia.
Lajmin e bukur, këngëtarja shqiptare e ka ndarë me fansat e saj në Instastory ku ka publikuar renditjen duke treguar suksesin që bashkëpunimi pati.
