Zakonisht këngëtarët shqiptarë lënë të kuptohet se fitojnë goxha nga muzika, por pa zbuluar shumën.
Ky është edhe një detaj që ngjall goxha interes tek publiku. Ndaj as Dren Abazi nuk i shpëtoi kësaj pyetje të bërë nga Flavio, mëngjesin e sotëm në ‘KafeIN’. Sa paguhet për një koncert Dreni? Këngëtari dukej se ishte i papërgatitur për këtë pyetje ndaj edhe u përgjigj po me pyetje: Kujt i intereson sa fitoj unë? Kështu, ai la të kuptohej se nuk do ta zbulonte kurrë shumën me të cilën paguhet për një koncert.
