Të gjitha femrat e dinë një gjë të sigurt, markat kozmetike shpesh falsifikohen. Blerja e produkteve kozmetike të falsifikuara, jo vetëm mund t’ju bëjë që të ndiheni të mashtruar dhe të mërzitur por gjithashtu mund të përbëjë një rrezik shumë të madh për shëndetin tuaj. Për të shmangur mashtrime të tilla, ndiqni disa këshilla të mira që do t’ju ndihmojnë të mos blini produkte false të kozmetikës.
1.Blini produkte vetëm nga kompani të autorizuara dhe certifikuara për kozmetikë
Mund të habiteni por edhe një dyqan ushqimoreje mund të shesë produkte kozmetike. Për të shmangur surprizat mos hezitoni të bëni një kontroll online të markave dhe pikave të shitjes.
2.Kushtoji rëndësi paketimit
Disa paketime dhe kuti të produkteve kozmetika janë aq reale, sa askush nuk do ta kuptonte që s’janë të vërteta. Një mënyrë për t’u siguruar që jeni duke marrë nëj produkt origjinal, është të vizitoni faqen e internetit të prodhuesit dhe të shihni nëse produkti që jeni duke kërkuar është pikërisht i njëjtë si në foton online.
3.Kontrolloni barkodin, numrin serial, dhe informacionin e prodhimit
Nëse produkti është falsifikuar, atëherë 2 ose 3 shifrat e barkodit mund të mos përputhen me vendin e origjinës të listuar në ambalazh ose në vetë produktin. Gjithashtu, numri serial shpesh mungon. Para se të blini diçka, sigurohuni që numri serial i produktit në vetvete përputhet me numrin në kuti. Gjithashtu, produktet autentike gjithmonë kanë përbërësit e tyre të treguar. Nëse paketimi ka shumë pak informacion në lidhje me produktin, atëherë nuk është autentik.
4.Kontrolloni ngjyrën dhe nuancën e produktit
Tonet e syve, buzëkuqet, dhe ruzhet prodhohen shpesh në ngjyra të zbehta që nuk përdoren në produktet origjinale. Për të shmangur blerjen e një produkti të falsifikuar, vizitoni faqen e internetit të prodhuesit për të parë se cilat ngjyra janë reale.
5.Kushtojini rëndësi aromës dhe qëndrueshmërisë së produktit
Produktet kozmetike autentike nuk duhet të kenë asnjë lloj substance të çuditshme apo shkëlqim dhe xixa të papërshtatshme në to, sidomos kur produkti është matte. Kozmetika nuk duhet të ndahet apo të përmbajnë asnjë papastërti. Nëse produkti ka një erë të keqe, ose është i parfumuar shumë, atëherë nuk është autentik.
6.Kontrolloni furçat dhe sfungjerët
Edhe nëse paketimi i një produkti të falsifikuar duket shumë i ngjashëm me atë të vërtetin, ju ndoshta duhet t’ju duhet të kontrolloni furçat ose sfungjerët. Ato mund të ndryshojnë në madhësi, formë, apo ngjyrë, dhe cilësia e përgjithshme e tyre mund të jetë jo e kënaqshme.
7.Testojini produktet kozmetike para se t’i blini
Mos hezitoni të provoni tester-at e kozmetikës në dyqane. Mbani mend: tonet e syve me cilësi të lartë nuk duhet zhduken gjatë ditës. Një buzëkuq i vërtetë gjithmonë duhet të aplikohet pa probleme dhe në mënyrë të barabartë në të gjithë pjesën e buzës.
