Në një intervistë për ABC News ditën e sotme Ardit Gjebrea ka zbuluar dy nga shumë surprizat që janë rezervuar për netët live të spektaklit “Kënga Magjike- 2018”.
Për herë të parë në Pallatin e Kongreseve do të vijnë edhe 12 balerinë të spektaklit italian “Amici”, të drejtuar nga Maria De Filipi.
“Maria De Filipi ka marrë balerinë shqiptarë, ne marrim italianë,” është shprehur Arditi.
Gjithashtu ai ka treguar se këtë vit këngëngëtarët nuk do të këndojnë më me monitor, por me kufje. Kjo është një teknologji e re që për herë të parë përdoret në një festival në vendin tonë.
Edicioni i 20 i “Këngës Magjike” do të vijë në tre netë live në Televizionin Klan. Nata e parë do të mbahet më datë 5 Dhjetor, e dyta më 6 dhe nata finale me 8 Dhjetor.
