Adelina Tahiri ndodhet që prej dy muajsh me pushime në Greqi, së bashku me të shoqin. E pyetur nga ndjekësit, këngëtarja ka treguar se djali i tyre, Joni nuk është pranë tyre dhe se e ka marrë malli.
Ndjekësit janë çuditur se si ajo mund të qëndrojë dy muaj larg djalit të saj të vogël, por Adelina i ka sqaruar të gjithë.
“Si mundesh me nejt pa djalin dy muaj?”, i ka shkruar një ndër ndjekësit.
Këngëtarja ka treguar se dhe Joni ndodhet në Greqi, por ajo dhe bashkëshorti lëvizin në destinacione të ndryshme dhe vogëlushi nuk i shoqëron kudo.
“Djali është në Greqi me mua! Po, ne kemi shtëpi këtu dhe vendosemi për 3 muaj! Ndërkohë lëvizim në destinacione të ndryshme me burrin”, ka shpjeguar ajo.
E pyetur se përse nuk e merr Jonin, Adelina ka rrëfyer se nuk dëshiron t’i shkatërrohet qetësia.
“Joni ka rregullin e vet! Dhe mendoj që kur bëj pushime të shkurtra si psh ky tani 4-5 ditë nuk i bëj mirë! Sepse është akoma bebe dhe i shkatërroj qetësinë!”, ka shkruar ajo.
