Dhurata Dora që prej vitesh është kthyer në një ndër këngëtaret më të pëlqyera për publikun. Ndonëse në një moshë të re, ajo ka arritur një sukses të paparë si në Shqipëri ashtu dhe jashtë saj. Sot Dhurata numëron fansa të shumtë të cilët janë të interesuar për çdo gjë nga jeta e saj. Por si dukej këngëtarja kur ishte fëmijë e më pas adoleshente?
Këngëtarja 26 vjeçare është bërë nostalgjike dhe ka postuar foto të periudhave të hershme në Instastoryn e saj. Në njërën nga fotot Dhurata është veçse fëmijë. Ajo është te lodrat dhe në fytyrë ka po të njëjtën ëmbëlsi që ka dhe sot.
Në foton tjetër Dhurata është më e rritur dhe shfaqet më një mikrofon në duar. ‘Gjithmonë’ ka shkruar ajo duke na bërë të kuptojmë se muzika ka qenë gjithmonë prirja dhe ëndrra e saj. Një ëndërr e bërë më së miri realitet, pasi siç u tha më sipër këngëtarja është shumë e suksesshme dhe suksesi i saj është në rritje të vazhdueshme.
