Me një foto të shpërndarë në Instagram ku ajo shfaqet me një fustan të bardhë dhe me një pelerinë të gjatë me një kryq në gjoks, Adele shkruan:
“Unë martova dy miqtë e mi më të mirë në janar”.
Ajo ka zbuluar se ka martuar Alan Carr dhe Paul Drayton në janar të këtij viti në kopshtin e vilës së saj në Los Angeles, ku ka pritur mysafirët dhe çiftin.
“Ne e kemi njohur Adele për vitë me rradhë, dhe kur i thamë që duam të martohemi ajo menjëherë u përgjigj: A mund të planifikoj unë diçka për ju?” “Dhe kështu ka bërë” – tha Alan në një program televiziv.
Ai shtoi:
“Ne po shkonin atje dhe pamë dikë që po luante në një piano të madhe “Ordinary People”. Pas kësaj, Adele këndoi këngët tona duke na shoqëruar në kërcimin e parë: Ishte e mahnitshme. Nuk mundem t’ia shpërblej kurrë këtë. Ajo është përfundimisht më e mira dhe ne nuk kemi fjalë për këtë që ajo ka bërë për ne.” – përfundon Alan.