Të gjithë i kanë sytë te Doktori, por Tritani zgjodhi të përkëdheli Bashën (FOTO)

Kjo është një nga skenat që nuk shihet shpesh në oborrin e Parlamentit. Në përgjithësi, ish-Kryeministri dhe ish-kryetari i Partisë Demokratike, Sali Berisha, nuk e ka zakon të ndalojë gjatë në oborr dhe të flasë me kolegët, siç bëjnë shumica e deputetëve.

Por këtë të enjte, ai ka ndaluar duke folur me deputetët demokratë, ndërkohë që është rrethuar prej tyre. Ish-kryetari vijon të jetë një figurë emblematike, që shihet me respekt dhe admirim të madh prej deputetëve të PD-së. Por, nëse e shihni me kujdes këtë foto, do të shikoni një prej figurave më të vjetra për nga vitet në politkë, Tritan Shehun, i cili teksa bisedon me Berishën, përkëdhel në shpinë Bashën.