Një gjë është shumë e sigurt, që asnjë nga ne nuk e kishte menduar ndonjëherë që do të bënim foto në ambjentet e shtëpisë dhe që mund të dilnin kaq bukur saqë mund t’i postonim në Instagram.
Por qëndrimi në shtëpi nuk mund të jetë kurrsesi i mërzitshëm dhe që të na privojë nga fakti që të dukemi bukur dhe të nxjerrim foton perfekte.
Vajzat e famshme gjatë karantinës na kanë treguar se kanë zbuluar cepa dhe ambjente interesante në shtëpi për të nxjerrë një foto të bukur dhe më pas ta ndajnë me ndjekësit e tyre.
Kiara Tito mund të mbajë kurorën si vajza që ka realizuar fotot më të bukura në shtëpi dhe nuk ka lënë asnjë ditë që të shkojë dëm në karantinë.
Sa në kuzhinë, sallon apo në dhomën e gjumit, Kiara e ka gjetur zgjidhjen për të patur foton që ajo dëshiron.
Përpos Kiarës, edhe shumë vajza të tjera të famshme, ku përveç fotove throwback kanë vendosur që të eksplorojnë pak me shtëpinë e tyre.
Prandaj, nëse sot nuk keni se çfarë të bëni të izoluar në shtëpi, inspirohni nga fotot që do të shihni më poshtë dhe përditësoni Instagramin tuaj me një foto perfekte.
