Këngëtarja shqiptare me famë botërore, Dua Lipa ka publikuar sot një video promo për fushatën e YSL, me momente nga jeta e saj e koncertet. Në sfond dëgjohet Dua e cila thotë: “Përshëndetje, unë jam Dua Lipa, këngëtare dhe tekstshkruese nga Londra”.
Pikërisht fakti që këngëtarja shprehet se është nga Londra ka bërë që fansat shqiptar ta kritikojnë Duan.
“Zhgënjim, ti je nga Kosova”, i shkruan një fans. “Dua Lipa ti je nga Kosova, jo nga Londra”, i shkruan një tjetër.
Komentet për këtë kanë qenë të shumta, por Dua nuk ka reaguar ndaj tyre.
