Pak kohë më parë Juliana Nura ose siç njihet me emrin Xhuli bëri një deklaratë befasuese në shtëpinë e Big Brother VIP Kosova. Ajo tregoi se si shumë vite më parë ishte përleshur fizikisht me këngëtaren Dafina Zeqiri, pas një konflikti që kishin për ish-të dashurin e Dafinës, Krenar Çoçajn.
E ftuar së fundmi në “D-Night”, Xhuli i kërkoi falje Dafinës dhe shtoi se ajo është këngëtare shumë e mirë. Ajo e përgëzoi pë karrierën që ka ndërtuar.
“Ç’ka kam thënë në “Big Brother” janë gjithmonë të vërteta, ka ndodh një keqkuptim, i kërkoj falje Dafinës dhe i them të gjitha vajzave nëse keni pasur një konflikt kërkoni falje dhe mundohuni të gjeni një rrugë të përbashkët. Dafina është këngëtare shumë e mirë. Ja uroj gjithë të mirat. Një nga këngëtaret më të mira shqiptare. Bravo për karrierën që ke bërë”, tha Xhuli.
