Të gjithë fansat e programit “Për’puthen” janë kuriozë që të dinë se çfarë po ndodh me jetën e konkurrentëve tani që emisioni ka mbaruar. E këtë kuriozitet ua heqin vetë ata, të cilët janë mjaft aktiv në profilet e tyre në rrjetet sociale.
Një ditë më parë, Stela ka bërë një bashkëbisedim virtual me ndjekësit e saj, të cilët e kanë pyetur shumë rreth marrëdhënies me Çimin. Ata të dy dolën bashkë nga programi i dashurisë, e duket se gjërat po shkojnë mjaft mirë mes tyre.
Këtë e ka treguar Stela teksa u është përgjigjur të gjitha pyetjeve të fansave në lidhje me Çimin. “Si po vete marrëdhënia jote me Çimin”, e pyet një ndjekës.
Ish-konkurrentja e “Për’puthen” ka publikuar një foto ku shfaqet duke u puthur me të dhe shkruan: “Shumë mirë”, shoqëruar edhe me dy emoj zemre.
Ndërsa një tjetër ka dashur të dijë nëse kanë nisur që të bashkëjetojë me të, së bashku me vajzën e saj.
“Jo e dashur nuk bashkëjetojmë akoma . nuk kemi dalë të tre, goca e njeh Çimin vetëm nga TV. Besoj nga java do dalim dhe do ta ndaj me ju këtë moment”, shkruan Stela teksa poston një foto me të bijën.
Më pas një tjetër e ka pyetur nëse e ka edhe vajzën me vete te udhëtimi që bëri me Çimin, e ajo tha se “jo”.
“Jo, isha vetëm unë me Çimin. Faleminderit shumë për mbështetjen tuaj”, ka shtuar ish-konkurrentja e “Për’puthen”.
