Moderatorja e njohur dhe shumë e dashur për publikun shqipar, Floriana Garo, para një muaji ndau me fansat e saj lajmin e gëzueshëm se ishte bërë nënë për herë të parë. Ajo postoi në profilin e saj në ‘Instagram’ foto të duarve ‘nënë e bijë’, duke falenderuar ndjekësit për urimet e përzemërta dhe duke bërë të ditur emrin e së bijës, të cilën kishin vendosur ta quanin Adia.
Ditën e sotme ajo ka ndarë një tjetër foto me fansat e saj në ‘Instagram’, ku shfaqet duke buzëqeshur, e veshur me një fustan në ngjyrë rozë të lehtë, të gjatë deri në fund të këmbëve.
