Spektakli i njohur “The Voice Kids” përfundoi me fitoren e vogëlushes nga Korça, Alteas, e cila ishte pjesë e skuadrës së Gjokajve.
Pas përfundimit të spektaklit, këngëtarja Arilena Ara, e cila ishte pjesë e jurisë, ndau me ndjekësit e saj në Instagram një video epike nga prapaskenat e “The Voice”.
Ajo publikoi një moment mes saj dhe Miriam Canit, të cilën e ngre në krahë dhe e përqafon, teksa të dyja qeshin dhe thërrasin duke u bashkuar edhe me fëmijët konkurrentë.
Ndërkohë në korridor kalon Aleksandër Gjoka, i cili bën një mimikë epike teksa shikon vajzat dhe vazhdon të ecë drejt duke u larguar prej aty.
“Eksperienca ime në “The Voice Kids 3” në një video. Energji, të qeshura dhe dashuri! P.s Portreti i Sandrit është epik. Ju dua”.- shkruan Arilena krahas videos.
